ⴰⵜⵉⴳ ⵉⵓⵍⵍⴰⵏ ⵖⵓⵔ ⵉⵙⵙⴰⵔⵓⵜⵏ ⵉⴳⴷⵓⴷⴰⵏ

ⴳⴰⵏⵜ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵢⴰⵏ ⵓⵏⴱⴷⴰⴷ ⴰⴷⵙⵍⴰⵏ ⵏ ⵜⴳⵎⵉ ⵜⴰⴷⴰⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴰⵡⵏⵏⴰⴹⵜ ⴳ ⵜⵎⴰⵣⵉⵔⵜ ⵏⵏⵖ ⴷ ⵓⵙⴼⵓⵍⴽⵉⵏ ⵓⵏⴳⵉⴳⵜ ⵏ ⵜⵡⵓⵔⵉⵡⵉⵏ.

ⴳ ⵎⵏⵉⴷ ⴰⴷ, ⵉⵍⵍⴰ ⴼⵍⵍⴰⵙ ⴰⴷ ⵉⴳ ⵜⵏⴰⵔⴰ ⵉⴷⵓⵙⵏ ⵏ ⵜⴹⴼⵉⵕⵜ ⵏ ⵓⵙⵡⵓⴷⴷⵓ ⵏ ⵜⵡⵓⵔⵉ ⵏⵏⵙ ⴷ ⵜⵙⵓⵙⵖⵜ ⵏⵏⵙ ⴷ ⵜⵓⵙⵓⵔⵜ ⵏⵏⵙ, ⵙⵍⴰⵀⵡⴰⵏ ⴰⴽⴽⵯ ⴳ ⵡⴰⵏⵣⴰⵍ ⵏ ⵓⵙⴱⵓⵖⵍⵓ ⴰⴷⴰⵎⵙⴰⵏ.

ⵔⴰⴷ ⵉⵔⴰⵔ ⵓⵙⵔⵓⵙ ⵏ ⵓⵙⴰⴹⴰⴼ ⴰⵎⵖⵔⵉⴱⵉ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵅⴼ ⵜⵓⴳⵜ ⵏ ⵡⴰⵏⴰⴹⵏ ⵉⵙⵜⵕⴰⵜⵉⵊⵉⵏ, ⴰⵛⴽⵓ: 

• ⵉⴷⴷⴰ ⴷ ⴳ ⵓⵙⵡⵓⴷⴷⵓ ⵏ ⵓⴷⵓⵙⵜⵓⵔ ⵏ 2011 ⵍⵍⵉ ⵢⵓⵍⵏ ⴳ ⵡⴰⵜⵉⴳ ⵏ « ⵓⵣⵔⴼ ⵏ ⵓⵙⵏⵖⵎⵙ » ⵉⴳⴰⵏ ⵢⴰⵏ ⵓⵣⵔⴼ ⴰⴷⵙⵜⴰⵔ ;
• ⵉⴷⴷⴰ ⴷ ⴰⵡⴷ ⴰⴷ ⵉⵙⵡⵓⴷⴷⵓ  ⵉⵙⵖⵍⴰⴼ ⵍⵍⵉ ⵙⴽⵔⵏⵜ ⴽⵔⴰ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⵙⵇⵇⵉⵎⵜ ⵜⵉⵎⵥⵍⵉⵜ ⵏ ⵡⴰⵏⴰⵡ ⴰⵏⴳⵎⵓ, ⵍⵍⵉ ⵉⵏⵏⴰⵏ ⵎⴰ ⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵙⵓⵙⵖⵜ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵙ ⵜⴰⵖⵔⴰⵙⵜ ⵏ ⵜⵥⵕⵉⴳⵜ ⵏ ⵉⵏⵎⵎⴰⵍⵏ ⵏ ⵜⵎⵓⵛⴰ ⵙⵔⵙ ⵉⵥⵍⵉⵏ ; 
• ⴰⵔ ⵉⵙⵡⵓⴷⴷⵓ ⴰⵙⵖⵓⵏ ⵏ ⵜⵏⴱⴰⴹⵜ ⵃⵎⴰ ⴰⴷ ⴳⵉⵏⵜ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵢⴰⵏ ⵉⵎⵉⵙ ⵏ ⵜⵓⴳⵉ ⵏ ⵜⴱⵖⵓⵔⵜ ⴷ ⵓⵙⵏⵓⵎ ⵏ ⵜⵎⵢⴰⴳⴰⵔⵉⵏ.

ⵉⵍⵍⴰ ⵓⵙⴰⴹⴰⴼ ⴰⵎⵖⵔⵉⴱⵉ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⴳ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⵙ ⵓⵙⵡⵓⴷⴷⵓ ⵏ ⴰⵢⵍⵍⵉ ⴷ ⵉⴷⴷⴰⵏ ⴳ ⴳ ⵓⵎⵏⵏⵉ 158 ⵏ ⵓⵎⵕⵙⵓⵎ ⵓⵟⵟⵓⵏ 2-22-431 ⵏ 8 ⵎⴰⵕⵚ 2023 ⵉⵥⵍⵉⵏ ⵙ ⵉⴳⴰⴷⴰⵣⵏ ⵉⴳⴷⵓⴷⴰⵏ. ⵉⵜⵜⵓⵙⴽⴰⵔ ⵉⵎⵕⵙⵓⵎ ⵓⵟⵟⵓⵏ 2.22.78 ⵏ 22 ⵉⴱⵔⵉⵍ 2024 ⵉⵥⵍⵉⵏ ⵙ ⵓⵙⴽⴰⵔ ⵏ ⵓⵙⴰⴹⴰⴼ ⴰⵎⵖⵔⵉⴱⵉ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ.