ⴳⴰⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵢⴰⵜ ⵜⵎⵙⵙⵉⵍⵉⵜ ⵜⴰⴷⵙⵍⴰⵏⵜ ⵉ ⵜⴳⵎⵉ ⵜⴰⴷⴰⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⵉⴽⵓⵍⵓⵊⵉⵜ ⴳ ⵍⵎⵖⵔⵉⴱ ⵉⵙⵖⴰⵡⵙⴰⵏ ⵙ ⵢⴰⵜ ⵜⵏⴰⵔⴰ ⴷ ⵢⴰⵜ ⵜⴹⴼⵕⵉ ⵉⵖⵥⴰⵏ ⴳ ⵓⵙⴷⵓⵙ ⵏⵏⵙⵏⵜ ⴷ ⵜⵙⵓⵙⵖⵜ ⵏⵏⵙⵏⵜ
ⵔⴰⴷ ⵉⵔⴰⵔ ⵓⵙⵔⵓⵙ ⵏ ⵓⵙⴰⴹⴰⴼ ⴰⵎⵖⵔⵉⴱⵉ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵅⴼ ⵜⵓⴳⵜ ⵏ ⵡⴰⵏⴰⴹⵏ ⵉⵙⵜⵕⴰⵜⵉⵊⵉⵏ, ⴰⵛⴽⵓ:
- ⵉⴷⴷⴰ ⴷ ⴳ ⵓⵙⵡⵓⴷⴷⵓ ⵏ ⵓⴷⵓⵙⵜⵓⵔ ⵏ 2011 ⵍⵍⵉ ⵢⵓⵍⵏ ⴳ ⵡⴰⵜⵉⴳ ⵏ « ⵓⵣⵔⴼ ⵏ ⵓⵙⵏⵖⵎⵙ » ⵉⴳⴰⵏ ⵢⴰⵏ ⵓⵣⵔⴼ ⴰⴷⵙⵜⴰⵔ ;
- ⵉⴷⴷⴰ ⴷ ⴰⵡⴷ ⴰⴷ ⵉⵙⵡⵓⴷⴷⵓ ⵉⵙⵖⵍⴰⴼ ⵍⵍⵉ ⵙⴽⵔⵏⵜ ⴽⵔⴰ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⵙⵇⵇⵉⵎⵜ ⵜⵉⵎⵥⵍⵉⵜ ⵏ ⵡⴰⵏⴰⵡ ⴰⵏⴳⵎⵓ, ⵍⵍⵉ ⵉⵏⵏⴰⵏ ⵎⴰ ⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵙⵓⵙⵖⵜ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵙ ⵜⴰⵖⵔⴰⵙⵜ ⵏ ⵜⵥⵕⵉⴳⵜ ⵏ ⵉⵏⵎⵎⴰⵍⵏ ⵏ ⵜⵎⵓⵛⴰ ⵙⵔⵙ ⵉⵥⵍⵉⵏ ;
- ⴰⵔ ⵉⵙⵡⵓⴷⴷⵓ ⴰⵙⵖⵓⵏ ⵏ ⵜⵏⴱⴰⴹⵜ ⵃⵎⴰ ⴰⴷ ⴳⵉⵏⵜ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵢⴰⵏ ⵉⵎⵉⵙ ⵏ ⵜⵓⴳⵉ ⵏ ⵜⴱⵖⵓⵔⵜ ⴷ ⵓⵙⵏⵓⵎ ⵏ ⵜⵎⵢⴰⴳⴰⵔⵉⵏ.
ⵉⵍⵍⴰ ⵓⵙⴰⴹⴰⴼ ⴰⵎⵖⵔⵉⴱⵉ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⴳ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⵙ ⵓⵙⵡⵓⴷⴷⵓ ⵏ ⴰⵢⵍⵍⵉ ⴷ ⵉⴷⴷⴰⵏ ⴳ ⴳ ⵓⵎⵏⵏⵉ 158 ⵏ ⵓⵎⵕⵙⵓⵎ ⵓⵟⵟⵓⵏ 2-22-431 ⵏ 8 ⵎⴰⵕⵚ 2023 ⵉⵥⵍⵉⵏ ⵙ ⵉⴳⴰⴷⴰⵣⵏ ⵉⴳⴷⵓⴷⴰⵏ. ⵉⵜⵜⵓⵙⴽⴰⵔ ⵉⵎⵕⵙⵓⵎ ⵓⵟⵟⵓⵏ 2.22.78 ⵏ 22 ⵉⴱⵔⵉⵍ 2024 ⵉⵥⵍⵉⵏ ⵙ ⵓⵙⴽⴰⵔ ⵏ ⵓⵙⴰⴹⴰⴼ ⴰⵎⵖⵔⵉⴱⵉ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ.
ⴰⵙⵉⵜ ⴰⵎⴰⴷⴷⵓⴷ ⵏ ⵜⵎⵙⵙⴰⴳⵓⵔⵜ ⵜⴰⴳⴷⵓⴷⴰⵏⵜ ⵏ ⵜⴳⵍⴷⵉⵜ ⵏ ⵍⵎⵔⵉⴱ
