ⴰⵙⵉⵜ ⴰⵎⴰⴷⴷⵓⴷ ⵏ ⵜⵎⵙⵙⴰⴳⵓⵔⵜ ⵜⴰⴳⴷⵓⴷⴰⵏⵜ ⵏ ⵜⴳⵍⴷⵉⵜ ⵏ ⵍⵎⵔⵉⴱ
ⵜⴰⵙⵓⵜⵍⵜ ⵏ ⵓⵙⵎⵓⵜⵜⴳ ⵏ ⵉⵎⵙⵎⵓⵜⵜⴳⵏ ⵅⴼ ⵓⵎⴰⵏⴰⵔ ⵏ ⵜⵎⵙⴰⵖⵜ ⵜⴰⴳⴷⵓⴷⴰⵏⵜ ⵜⴰⵣⴳⵣⴰⵡⵜ
ⴳ ⵓⵙⴰⵜⵉ ⵏ ⵜⴷⵉⵏⴰⵎⵉⵜ ⵜⴰⵏⴰⵎⵓⵔⵜ ⵉⵔⴰⵏ ⴰⴷ ⵜⵙⴷⵓⵙ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵉⴳⴰⵏ ⵜⵉⵙⵓⵍⴰⵏⵉⵏ ⴷ ⵓⵙⵡⵓⴷⴷⵓ ⵏ ⵜⵎⵙⴽⵜⵉⵜ ⵏ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵥⵍⵉⵏ ⵙ ⵓⵎⴰⵏⴰⵔ ⵏ ⵜⵎⵙⴰⵖⵜ ⵜⴰⴳⴷⵓⴷⴰⵏⵜ ⵜⴰⵣⴳⵣⴰⵡⵜ, ⵉⵙⵏⵎⴰⵍⴰ ⵓⵙⴰⴹⴰⴼ ⴰⵎⵖⵔⵉⴱⵉ ⵏ ⵜⵉⵎⵙⵎⵀⴰⵍⵉⵏ ⵜⵉⴳⴷⵓⴷⴰⵏⵉⵏ, ⵓⵙⵙⴰⵏ ⵏ 19 ⴷ 20 ⵎⴰⵢⵢⵓ 2026 ⴳ ⵕⵕⴱⴰⵟ, ⵢⴰⵜ ⵜⵙⵓⵜⵍⵜ ⵏ ⵓⵙⵎⵓⵜⵜⴳ ⵏ ⵉⵎⵙⵎⵓⵜⵜⴳⵏ ⵉⵥⵍⵉⵏ ⵙ ⵓⵎⴰⵏⴰⵔ ⴰⴷ.
ⵜⵍⵍⴰ ⴳ ⵓⵏⵎⵓⵇⵇⴰⵔ ⴰⴷ ⵜⴰⴷⵔⴰⵡⵜ ⵏ ⵉⵎⵙⵎⵓⵏⵏ ⵏ ⵜⵉⵏⴱⴰⴹⵉⵏ ⴷ ⵉⵎⵙⵙⴰⵖⵏ ⵉⴳⴷⵓⴷⴰⵏⵏ ⵍⵍⵉ ⵔⴰⴷ ⵉⵙⵡⵓⵔⵉ ⴳ ⵓⵙⴷⵓⵙ ⴷ ⵓⴹⴼⵓⵕ ⵏ ⵓⵙⵉⴷⴼ ⵏ ⵉⵙⴱⴷⴰⴷⵏ ⵏ ⵜⵡⵏⵏⴰⴹⵜ ⴳ ⵜⵎⵢⵓⵔⵉⵏ ⵏ ⵜⵎⵙⵙⴰⵖⵜ ⵜⴰⴳⴷⵓⴷⴰⵏⵜ.
ⵉⴳⴰ ⵓⵡⵜⵜⴰⵙ ⵏ ⵜⵙⵓⵜⵍⵜ ⴰⴷ ⴰⴷ ⵜⵙⴷⵓⵙ ⵜⵉⵔⵎⵉⵜ ⵏ ⵓⵙⴰⵜⵉ ⴰⵣⵔⴼⴰⵏ ⵏ ⵜⵎⵙⴰⵖⵜ ⵜⴰⴳⴷⵓⴷⴰⵏⵜ ⵜⴰⵣⴳⵣⴰⵡⵜ, ⴷ ⵓⵙⵉⵙⴼⵉⵡ ⵅⴼ ⵉⵎⴰⵙⵙⵏ ⵉⵎⵔⵉⵔⵏ ⵍⵍⵉ ⵉⵍⵍⴰⵏ ⴳ ⵓⵎⴰⵏⴰⵔ ⴰⴷ, ⵙⵍⴰⵀⵡⴰⵏ ⴰⴽⴽⵯ ⴰⵙⴷⵓⵙ ⵏ ⵜⵣⵎⵎⴰⵔ ⵏ ⵉⵎⴷⵔⴰⵡⵏ ⴳ ⵓⵃⵟⵟⵓ ⴷ ⵓⴹⴼⴼⵓⵕ ⴷ ⵓⵙⴼⵔⴽ.
ⵙⵡⵓⵔⵉⵏ ⴳ ⵜⵙⵓⵜⵍⵜ ⴰⴷ ⵉⵎⵓⵣⴰⵢⵉⵏ ⵉⵏⴰⵎⵓⵔⵏ ⴷ ⵉⴳⵔⴰⵖⴰⵍⵏⵏ. ⵜⴳⴰ ⴰⵡⴷ ⵜⵙⵓⵜⵍⵜ ⴰⴷ ⵢⴰⵏ ⵓⴷⵖⴰⵔ ⵏ ⵓⵙⵏⴼⵍ ⴷ ⵓⵎⵙⴱⴹⵉ ⵏ ⵜⵉⵔⵎⵉⵜⵉⵏ ⵉⵥⵍⵉⵏⵙ ⵜⵎⵢⵓⵔⵉⵏ ⵜⵉⴼⵓⵍⴽⵉⵏ ⴷ ⵉⵎⵓⴽⵔⵉⵙⵏ ⴳⵉⵙ ⵉⵍⵍⴰⵏ ⴷ ⵜⵉⴼⴰⴷⵉⵡⵉⵏ ⵉⵅⵚⵚⴰⵏ ⴳ ⵜⵖⴰⵔⴰⵙⵜ ⵏ ⵓⵣⵓⴳⴳⵯⵣ ⴰⵎⵙⵙⴽⴼⵍ ⵏ ⵜⵎⵙⴰⵖⵜ ⵜⴰⴳⴷⵓⴷⴰⵏⵜ ⵜⴰⵣⴳⵣⴰⵡⵜ.
ⵜⵉⵡⵙ ⵜⵙⵓⵜⵍⵜ ⴰⴷ ⴳ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵉⵎⴷⵔⴰⵡⵏ ⴷ ⵓⵙⵔⵓⵙ ⵏ ⵢⴰⵜ ⵓⵥⵟⵟⴰ ⵏ ⵉⵎⵙⵎⵓⵜⵜⴳⵏ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⴰⴷ ⴳ ⵓⵙⵡⵉⵔ ⵏ ⵜⵎⵙⵙⵓⴳⴰⵔ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ.
Photos
- ${title}${badge}