ⵎⴰⵙⵙ ⴱⵏⵙⵓⴷⴰ ⵉⴳⴰ ⴷⵓⴽⵜⵓⵕ ⴳ ⵓⵣⵔⴼ ⴰⴳⴷⵓⴷⴰⵏ ⵙⴳ ⵜⵙⴷⴰⵡⵉⵜ ⵏ ⴱⴰⵔⵉⵣ 1, ⴱⴰⵟⵉⵢⵓⵏ ⵚⵓⵕⴱⵓⵏ (2001) ⵉⴳ ⴷⵓⴽⵜⵓⵕ ⵏ ⵓⵡⴰⵏⴽ ⴳ ⵓⵣⵔⴼ ⴰⴳⴷⵓⴷⴰⵏ ⵙⴳ ⵜⵙⴷⴰⵡⵉⵜ ⵏ ⵎⵓⵃⴰⵎⴷ ⵡⵉⵙⵙ ⵙⵎⵎⵓⵙ, ⵕⴱⴰⵟ (2005).

ⵉⴳⴰ ⴰⵏⵎⵀⴰⵍ ⴰⵎⴰⵜⴰⵢ ⵏ ⵉⵔⴳⴰⵢⵏ 11 ⵏ ⵉⵙⴳⴳⵯⴰⵙⵏ ⴰⵔ 2010. ⵉⴽⴽⴰ ⵉⴳⴰ ⴰⵏⵎⵀⴰⵍ ⴰⵎⴰⵡⴰⵙ ⵉⵣⴷⵉⵏ ⴷ ⵜⵎⴳⴳⵉⵡⵙⵜ ⵜⴰⵏⴰⵎⵎⴰⵙⵜ ⴷ ⵜⴰⵏⴰⴹⵉⵏ ⴳ ⵜⵎⵀⵍⴰ ⵏ ⵉⵔⴳⴰⵢⵏ ⴰⵙⴳⴳⵯⴰⵙ ⵏ 1993, ⵉⴳⴰ ⴰⵙⵍⵎⴰⴷ ⴳ ⵜⵏⵎⵍ ⵜⴰⵏⴰⵎⵓⵔⵜ ⵏ ⵓⵙⵏⵢⵓⴷⴷⵓ ⴳ ⵕⴱⴰⵟ ⵙⴳ 1993 ⴰⵔ 1998. ⵉⴳⴰ ⴰⵡⴷ ⴰⵎⵖⴰⵔ ⵏ ⵓⴷⵉⵡⴰⵏ ⵏ ⵓⵎⴰⵡⵙⴰⵙ ⵏ ⵓⵥⵕⴼ ⴳ ⵓⵙⴳⴳⵯⴰⵙ 1991 ⵉⴳ ⴰⵎⴰⵙⴰⵢ ⵏ ⵜⵖⵓⵔⵉⵡⵉⵏ ⴳ ⵓⴷⵉⵡⴰⵏ ⵏ ⵓⵎⴰⵡⵙⴰⵙ ⵏ ⵓⵥⵕⴼ ⴰⵙⴳⴳⵯⴰⵙ ⵏ 1986.

ⵎⴰⵙⵙ ⴱⵏⵙⵓⴷⴰ ⵉⴽⴽⴰ ⵉⴳⴰ ⴰⵏⵙⵙⵉⵅⴼ ⵏ ⵜⴳⵔⴰⵡⵜ ⵏ ⵉⵎⵓⵙⵏⴰⵡⵏ ⵏ ⵜⵎⵜⵜⵉⵏ ⵎⵓⵏⵉⵏ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵥⵕⴼ ⵏ ⵉⵔⴳⴰⵢⵏ ⵙⴳ ⵓⵙⴳⴳⵯⴰⵙ 2005 ⴰⵔ 2009, ⵉⴳⴰ ⴰⴳⵎⴰⵎ ⵏ ⵓⴳⵔⴰⵡ ⴰⵎⴰⵙⵙⴰⵏ ⵉⴷⵓⵎⵏ ⵏ ⵜⵎⵙⵎⵓⵏⵜ ⵏ ⵓⵔⴳⴰⵢ ⴰⴳⵔⴰⵖⵍⴰⵏ.
ⵉⴽⴽⴰ ⵉⴳⴰ ⴰⵏⵙⵙⵉⵅⴼ ⵏ ⵡⵓⴷⴷⵓⵔ ⵙⴳ 2006 ⵏ ⵡⴰⵢⴰⵡ ⴰⵎⵖⵔⴰⴱⵉ ⵏ ⵜⵎⵙⵎⵓⵏⵜ ⵏ ⵓⵔⴳⴰⵢ ⴰⴳⵔⴰⵖⵍⴰⵏ, ⵉⴳ ⴰⵡⴷ ⴰⴳⵎⴰⵎ ⵏ ⵜⴳⵔⴰⵡⵜ ⵏ ⵓⵙⵡⵓⴷⴷⵓ ⵏ ⵜⵎⵔⵙⵍⵜ ⵎⵓⵃⵎⴷ ⵡⵉⵙⵙ ⵙⴹⵉⵙ ⵏ ⵓⵙⵉⵍⵢ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ.

ⵎⴰⵙⵙ ⴱⵏⵙⵓⴷⴰ ⵏⵜⵜⴰ ⴰⵢ ⴰⵔⴰⵏ ⴰⴷⵍⵉⵙ : ⴰⵙⴼⵙⵢ ⵏ ⵜⵖⵜⵙⵜ ⵜⴰⵔⴳⴰⵢⵜ ⴳ ⵍⵎⵖⵔⵉⴱ, ⴰⴷⵍⵉⵙ ⵏⵏⴰ ⵉⵙⵙⵣⵡⴰⵔ ⵎⵉⵛⵉⵍ ⴱⵓⴱⵉⵢⵉ, ⵜⴰⵥⵕⵉⴳⵜ ⵏ ⵍⴰⴽⵔⵡⴰⵣⵉ ⴷⵉ ⵛⵓⵎⵉⵏ, 2010. ⵉⵜⵙ ⵏ ⵡⴰⵏⴰⵡⵏ ⵏⵏⵙ ⴳ ⵓⵢⵏⵏⴰ ⵉⵣⴷⵉⵏ ⴷ ⵢⵉⵡⵙ ⵏⵏⵙ ⴳ ⵉⵎⴳⵔⴰⵡⵏ ⵉⵏⴰⵎⵓⵔⵏ ⵏⵖ ⵉⴳⵔⴰⵖⵍⴰⵏⵏ, ⵜⵜⵓⵣⵓⵣⵣⵔⵏ ⴳ ⵜⵙⵖⵓⵏⵉⵏ ⵜⵉⵎⴰⵙⵙⴰⵏⵉⵏ ⵉⵜⵜⵓⵡⴰⴽⵣⵏ.